പ്രവര്‍ത്തകര്‍ ഒത്തൊരുമയോടെ പ്രവര്‍ത്തിക്കുന്നു: ശ്രീകണ്ഠന്‍ എം പി

വിജയം കൈവരിക്കാന്‍ യുഡിഎഫ് പ്രവര്‍ത്തകര്‍ ഒത്തൊരുമയോടെ പ്രവര്‍ത്തിക്കുന്നു: വി കെ ശ്രീകണ്ഠന്‍ എം പി
പാലക്കാട്: കഴിഞ്ഞ തെരഞ്ഞെടുപ്പില്‍ യു ഡി എഫിന് പരാജയമായിരുന്നെന്നും എന്നാല്‍ പരാജയകാരണം കണ്ടുപിടിച്ച് ഒത്തൊരുമയോടെ പ്രവര്‍ത്തിച്ചതിന്റെ ഫലമായാണ് പാര്‍ലമെന്റ് തെരഞ്ഞെടുപ്പില്‍ കൂടുതല്‍ സീറ്റ് ലഭിക്കാന്‍ കാരണമായതെന്ന് വി കെ ശ്രീകണ്ഠന്‍ എം പി. പാലക്കാട് പ്രസ് ക്ലബ് സംഘടിപ്പിച്ച മീറ്റ് ദ പ്രസ്സ് പരിപാടിയില്‍ സംസാരിക്കുകയായിരുന്നു അദ്ദേഹം. ഇത്തവണത്തെ തദ്ദേശ സ്വയം ഭരണ സ്ഥാപനങ്ങളിലെ തെരഞ്ഞെടുപ്പില്‍ വന്‍ ഭൂരിപക്ഷത്തോടെ യു ഡി എഫ് വിജയിക്കുമെന്നും അദ്ദേഹം പറഞ്ഞു. അതിനായി ഒത്തൊരുമയോടെയാണ് പ്രവര്‍ത്തകര്‍ പരിശ്രമിക്കുന്നതെന്നും അദ്ദേഹം ചൂണ്ടിക്കാട്ടി.