രമേശ് ചെന്നിത്തല തിങ്കളാഴ്ച വാളയാറും കഞ്ചിക്കോടും സന്ദര്‍ശിക്കും
പാലക്കാട്. ദുരൂഹസാഹചര്യത്തിൽ മരിച്ച വാളയാറിലെ പെൺകുട്ടികൾക്ക് നീതി തേടി പെൺകുട്ടികളുടെ അമ്മ നടത്തുന്ന സമരത്തിന് പിന്തുണയുമായി പ്രതിപക്ഷനേതാവ് രമേശ് ചെന്നിത്തല തിങ്കളാഴ്ച സമരവേദിയിൽ സന്ദർശനം നടത്തും
.രാവിലെ 10.30 നാണ് രമേശ് ചെന്നിത്തല സമരപന്തൽ സന്ദർശിക്കുന്നത്. ഇതിനു മുമ്പ് കുട്ടികളുടെ അമ്മ സെക്രട്ടറിയേറ്റ് നടയിൽ നടത്തിയ സമരവേദിയിലും പ്രതിപക്ഷ നേതാവ് എത്തിയിരുന്നു.
വാളയാറിലെ സന്ദർശനത്തിന് ശേഷം വ്യാജമദ്യം കഴിച്ചു അഞ്ചു ആദിവാസികൾ മരിച്ച പാലക്കാട്, കഞ്ചിക്കോട് ചെല്ലൻകാവ് ആദിവാസി കോളനിയും പ്രതിപക്ഷ നേതാവ് സന്ദർശിക്കും.
