വാളയാറില്‍ രാസലഹരിയുമായി അമ്മയും മകനും സുഹൃത്തുക്കളും പിടിയില്‍. തൃശൂർ സ്വദേശി അശ്വതി (46), മകൻ ഷോണ്‍ സണ്ണി (21), കോഴിക്കോട് എലത്തൂർ സ്വദേശികളായ പി മൃദുല്‍ (29), അശ്വിൻ ലാല്‍ (26) എന്നിവരാണ് പിടിയിലായത്.
വില്‍പനയ്ക്കായി കാറില്‍ കൊണ്ടുവരികയായിരുന്ന 10.12ഗ്രാം എംഡിഎംഎയാണ് എക്സെെസ് പിടികൂടിയത്.
വില്‍പനയ്ക്ക് എത്തിച്ച എംഡിഎംഎയാണ് ഇത്. പ്രതികളുടെ കാറില്‍ നിന്ന് മയക്കുമരുന്ന് ഗുളിക, സിറിഞ്ച് എന്നിങ്ങനെ ഉള്ള സാധനങ്ങളും കണ്ടെടുത്തിട്ടുണ്ട്.
തൃശൂർ സ്വദേശികളായ അശ്വതിയും മകനും എറണാകുളത്താണ് താമസിക്കുന്നത്. എറണാകുളത്ത് വില്‍ക്കാനാണ് സംഘം എംഡിഎംഎ എത്തിച്ചതെന്നാണ് എക്സെെസ് ഉദ്യോഗസ്ഥർ പറയുന്നത്
