പൊതുസ്വത്ത് വിറ്റഴിക്കൽ
ഹെഡ് പോസ്റ്റ് ഓഫീസ് മാർച്ച് നാളെ
പാലക്കാട്
രാജ്യത്തിന്റെ പൊതുസ്വത്ത് -സ്വകാര്യ കുത്തകകൾക്ക് വിൽക്കാനുള്ള കേന്ദ്രസർക്കാർ നീക്കത്തിൽ പ്രതിഷേധിച്ച് കേന്ദ്ര ട്രേഡ് യൂണിയനുകളുടെ സംയുക്തസമിതി നേതൃത്വത്തിൽ വ്യാഴാഴ്ച രാജ്യവ്യാപക പ്രക്ഷോഭം നടത്തും. ഇതിന്റെ ഭാഗമായി ജില്ലയിൽ ട്രേഡ് യൂണിയനുകൾ സംയുക്തമായി പാലക്കാട് ഹെഡ് പോസ്റ്റ് ഓഫീസിലേക്ക് മാർച്ചും ധർണയും നടത്തും.
രാവിലെ പത്തിന് നടക്കുന്ന പരിപാടി വിജയിപ്പിക്കാൻ എല്ലാ തൊഴിലാളികളും രംഗത്തിറങ്ങണമെന്ന് സംയുക്ത ട്രേഡ് യൂണിയൻ ജില്ലാ നേതൃയോഗം ആഹ്വാനം ചെയ്തു.
യോഗത്തിൽ എൻ ജി മുരളീധരൻ നായർ (എഐടിയുസി) അധ്യക്ഷനായി. എം ഹംസ, ടി കെ അച്യുതൻ, എം ഹരിദാസ് -(സിഐടിയു) കെ സി ജയപാലൻ, എം ഹരിദാസ് -(എഐടിയുസി), മനോജ് ചിങ്ങന്നൂർ, എച്ച് മുബാറക്ക്, കെ ബി സുഗതൻ -(ഐഎൻടിയുസി) ഹക്കീം ഒലവക്കോട്, നസീർ (എസ്ടിയു), കെ അബ്ദുൾ അസീസ് -(എഐയുടിയുസി) എന്നിവർ സംസാരിച്ചു.
