മലമ്പുഴ ഇന്ന് തുറക്കില്ല
മലമ്പുഴ ഉദ്യാനത്തിൽ അറ്റകുറ്റപ്പണികൾ നടക്കുന്നതിനാൽ പിന്നീടാകും തുറക്കുക.
മലമ്പുഴ ഉദ്യാനം ഒഴികെ ജില്ലയിലെ വിനോദ സഞ്ചാര കേന്ദ്രങ്ങൾ ഇന്നു മുതൽ കോവിഡ് മാനദണ്ഡങ്ങൾ ഉറപ്പാക്കി തുറന്നു പ്രവർത്തിക്കും.
ജില്ലാ കലക്ടറുടെ നേതൃത്വത്തിൽ ഇന്നലെ ചേർന്ന യോഗത്തിലാണു തീരുമാനം. സന്ദർശന ഇടങ്ങളിൽ കൈ കഴുകാനുള്ള സൗകര്യവും സാനിറ്റൈസറും ഉറപ്പാക്കും. ശരീരോഷ്മാവ് പരിശോധിച്ച ശേഷമാകും സന്ദർശകരെ അകത്തു പ്രവേശിപ്പിക്കുക. നടപ്പാതകളും കൈവരികളും ഇരിപ്പിടങ്ങളും നിശ്ചിത ഇടവേളകളിൽ അണുമുക്തമാക്കണമെന്നും നിർദേശമുണ്ട്.
