കുടുംബമോ സമരസമിതിയോ അറിയാത്ത ഡോ. കെ.പി.സതീശനെ സ്പെഷ്യല് പബ്ളിക് പ്രോസിക്യൂട്ടറായി നിയമിക്കുക വഴി കേസ് അട്ടിമറിക്കാൻ സര്ക്കാര് ശ്രമിക്കുന്നത് തടയണമെന്നാവശ്യപ്പെട്ട് മധുവിന്റെ അമ്മ മല്ലി നാളെ രാവിലെ 10ന് പാലക്കാട് സിവില് സ്റ്റേഷന് മുന്നില് ഏകദിന സൂചന സത്യാഗ്രഹം നടത്തും.
സ്പെഷ്യല് പബ്ളിക് പ്രോസിക്യൂട്ടര്മാരായി നിയമിക്കണമെന്ന് മധുവിന്റെ കുടുംബവും സമരസമിതിയും പലവട്ടം ആവശ്യപ്പെട്ടതാണ്. കേസില് സര്ക്കാര് മധുവിന്റെ കുടുംബത്തിനൊപ്പമുണ്ട് എന്ന് പലവട്ടം പറഞ്ഞിട്ടുള്ളതുമാണ്. ഈ ആവശ്യം ഉന്നയിച്ച് അമ്മ നല്കിയ റിട്ട് ഹര്ജി ഹൈക്കോടതിയില് നടന്നുകൊണ്ടിരിക്കുമ്ബോഴാണ് സര്ക്കാര് ഏകപക്ഷീയമായി ഡോ.കെ.പി.സതീശനെ സ്പെഷല് പബ്ലിക് പ്രോസിക്യൂട്ടര് ആയി നിയമിച്ചു കൊണ്ട് വിജ്ഞാപനം ഇറക്കുന്നത്.
