ലോറികളില്‍ നിന്ന് ബാറ്ററി കവര്‍ച്ച; പ്രതികൾ പൊലീസിന്റെ പിടിയി
നിര്‍ത്തിയിട്ട ലോറികളില്‍ നിന്ന് ബാറ്ററി കവരുന്ന ടിപ്പര്‍ ലോറി ഡ്രൈവര്‍മാര്‍ അറസ്റ്റില്‍. പാലക്കാട് തൃത്താല കറുകപുത്തൂര്‍ സ്വദേശികളായ സക്കീര്‍, നൗഷാദ് എന്നിവരാണ് ചാലിശ്ശേരി പൊലീസിന്റെ പിടിയിലായത്.
ചാലിശ്ശേരി പൊലീസിന്റെ അന്വേഷണത്തിനൊടുവില്‍ പ്രതികള്‍ പിടിയിലാകുകയായിരുന്നു. ഇരുവരും ടിപ്പര്‍ ലോറി ഡ്രൈവര്‍മാരാണ്. പാതയോരങ്ങളില്‍ നിര്‍ത്തിയിട്ടിരിക്കുന്ന ലോറികളില്‍ നിന്ന് രാത്രിയില്‍ മോഷണം നടത്തി ബാറ്ററി ആക്രി കച്ചവടക്കാര്‍ക്ക് വില്‍പ്പന നടത്തുന്ന രീതിയാണ് പ്രതികള്‍ തുടര്‍ന്ന് വന്നിരുന്നത്. ചാലിശ്ശേരി ഇന്‍സ്പെക്ടര്‍ സതീഷ് കുമാറിന്റെ നേതൃത്വത്തിലായിരുന്നു അന്വേഷണം.
