ജില്ല പഞ്ചായത്തിൽ വീണ്ടും ഇടതുതേരോട്ടം

ജില്ല പഞ്ചായത്തിൽ വീണ്ടും ഇടതുതേരോട്ടം
പാലക്കാട്​: ജില്ല പഞ്ചായത്തില്‍ ഇടതുമുന്നണിക്ക് വീണ്ടും മിന്നും വിജയം. മുപ്പതംഗ ഡിവിഷനില്‍ 27 സീറ്റുകൾ നിലനിർത്തിയാണ്​ ഭരണം നിലനിര്‍ത്തിയത്. യു.ഡി.എഫ്​ മൂന്ന്​ സീറ്റുകളിലൊതുങ്ങി. വാണിയംകുളം, ​ലക്കിടി, പല്ലശ്ശന, പുതുപ്പരിയാരം ഡിവിഷനുകളിൽ ബി.ജെ.പി രണ്ടാംസ്ഥാനത്ത്​ വന്നു. പല്ലശ്ശന, പുതുപ്പരിയാരം ഡിവിഷനിൽ ബി.ജെ.പി കഴിഞ്ഞ തവണയും രണ്ടാംസ്ഥാനത്തായിരുന്നു. തിരുവേഗപ്പുറയിൽ മാത്രമാണ്​ കോൺഗ്രസിന്​ വിജയിക്കാനായത്​. വിമതശല്യത്തെതുടർന്ന്​ കഴിഞ്ഞതവണ നഷ്​ടമായ പാർട്ടിയുടെ ഉറച്ച ഡിവിഷനായ അലനല്ലൂരും തെങ്കരയും മുസ്​ലിംലീഗ്​ വീണ്ടെടുത്തു. മീനാക്ഷിപുരം, കൊഴിഞ്ഞാമ്പാറ ഡിവിഷനുകൾ ജനതാദൾ (എസ്​) നിലനിർത്തി. ജില്ല പഞ്ചായത്ത്​ പ്രസിഡൻറ്​ സ്ഥാനത്തേക്ക്​ എൽ.ഡി.എഫ്​ പരിഗണിക്കുമെന്ന്​ കരുതുന്ന കെ. ബിനു​മോൾ (സി.പി.എം) മലമ്പുഴ ഡിവിഷനിൽനിന്ന്​ വിജയിച്ചു. കഴിഞ്ഞ ഭരണസമിതിയിൽ ആരോഗ്യ, വിദ്യാഭ്യാസ സ്ഥിരം സമിതി അധ്യക്ഷയായിരുന്നു ഇവർ. വൈസ്​ പ്രസിഡൻറ്​ സ്ഥാനത്തേക്ക്​ എൽ.ഡി.എഫ്​ പരിഗണനയിലുള്ള സി.പി.എം ജില്ല സെക്ര​േട്ടറിയറ്റംഗം സി.കെ. ചാമുണ്ണി തരൂരിലും വിജയിച്ചു. ആലത്തൂർ ​മുൻ ​േബ്ലാക്ക്​ പഞ്ചായത്ത്​ പ്രസിഡൻറ്​ ആയിരുന്നു അദ്ദേഹം. കഴിഞ്ഞ തവണ യു.ഡി.എഫിനൊപ്പമായിരുന്ന കാഞ്ഞിരപ്പുഴ ഡിവിഷൻ, കേരള കോൺഗ്രസ്​ ജോസ്​ കെ. മാണി വിഭാഗം പ്രതിനിധി റെജി​ ജോസിലൂടെ എൽ.ഡി.എഫ്​ പിടിച്ചെടുത്തു. കഴിഞ്ഞ തവണയും 27 ഡിവിഷനുകളിൽ വിജയം എൽ.ഡി.എഫിനായിരുന്നു. കഴിഞ്ഞ തവണ യു.ഡി.എഫ് ​നിരയിലെ മൂന്നുപേരും കോൺഗ്രസിൽനിന്നായിരുന്നു​. കൊടുവായൂർ, തിരുവേഗപ്പുറ, കാഞ്ഞിരപ്പുഴ ഡിവിഷനുകളിലാണ്​ കോൺഗ്രസ്​ സ്ഥാനാർഥികൾ വിജയിച്ചിരുന്നത്​.: ബി.​ജെ.​പി ക​ട​ന്നു​ക​യ​റ്റം പ്ര​തീ​ക്ഷി​ച്ചി​രു​ന്ന അ​ക​ത്തേ​ത്ത​റ​യ​ട​ക്കം പ​ഞ്ചാ​യ​ത്തു​ക​ളി​ൽ ശ​ക്​​ത​മാ​യ പ്ര​തി​രോ​ധ​മാ​ണ്​ ഇ​ട​തു മു​ന്ന​ണി ഉ​യ​ർ​ത്തി​യ​ത്. ബി.​ജെ.​പി-​കോ​ൺ​ഗ്ര​സ്​ നീ​ക്കു​പോ​ക്കു​ണ്ടാ​യി​രു​ന്ന പ​ഞ്ചാ​യ​ത്തു​ക​ളി​ലും വി​ജ​യം എ​ൽ.​ഡി.​എ​ഫി​നാ​ണ്. ക​​ഴി​ഞ്ഞ​ത​വ​ണ സ്വ​ന്ത​മാ​യി ഭൂ​രി​പ​ക്ഷ​മി​ല്ലാ​തെ, പാ​ല​ക്കാ​ട്​ ന​ഗ​ര​സ​ഭ​യി​ൽ ഭ​ര​ണ​ത്തി​ലേ​റി​യ ബി.​ജെ.​പി ഇ​ത്ത​വ​ണ കേ​വ​ല ഭൂ​രി​പ​ക്ഷ​ത്തോ​ടെ​യാ​ണ്​ ഭ​ര​ണം നി​ല​നി​ർ​ത്തി​യ​ത്. ഗ്രാ​മ​പ​ഞ്ചാ​യ​ത്തു​ക​ളി​ലും ന​ഗ​ര​സ​ഭ​ക​ളി​ലും ബി.​ജെ.​പി​യു​ടെ ക​ട​ന്നു​ക​യ​റ്റ​ത്തി​ൽ കൂ​ടു​ത​ൽ പ​രി​ക്ക്​ യു.​ഡി.​എ​ഫി​നാ​ണ്. മൂ​ന്ന്​ ന​ഗ​ര​സ​ഭ​ക​ളി​ല​ട​ക്കം ഏ​ഴ്​ വാ​ർ​ഡു​ക​ളി​ൽ വെ​ൽ​ഫെ​യ​ർ പാ​ർ​ട്ടി സ്ഥാ​നാ​ർ​ഥി​ക​ൾ വി​ജ​യി​ച്ചു. ക​ഴി​ഞ്ഞ ത​വ​ണ മൂ​ന്നി​ട​ത്ത്​ മാ​ത്ര​മാ​ണ്​ പ്രാ​തി​നി​ധ്യം ഉ​ണ്ടാ​യി​രു​ന്ന​ത്. ഷൊ​ർ​ണ്ണൂ​ർ, ചി​റ്റൂ​ർ-​ത​ത്ത​മം​ഗ​ലം ന​ഗ​ര​സ​ഭ​ക​ളി​ൽ അ​ട​ക്കം ഏ​ഴി​ട​ത്ത്​ എ​സ്.​ഡി.​പി.​െ​എ​യും വി​ജ​യം ക​ണ്ടു.