വെള്ളപ്പാറയില് കെഎസ്ആര്ടിസി ബസ് ഇടിച്ച് യുവാക്കള് മരിച്ച സംഭവത്തില് ഡ്രൈവര് അറസ്റ്റില്.
കുഴല്മന്ദം പോലീസ് ആണ് ഇയാളുടെ അറസ്റ്റ് രേഖപ്പെടുത്തിയത്. അതേസമയം, നടന്നത് കൊലപാതകമാണെന്നും ഡ്രൈവര്ക്കെതിരെ കൊലക്കുറ്റത്തിന് കേസെടുക്കണമെന്നും ആവശ്യപ്പെട്ട് മരിച്ച ആദര്ശിന്റെ പിതാവ് രാഗത്തെത്തിയിട്ടുണ്ട്.
അപകടത്തിന് മുന്പ് യുവാക്കളും ഔസേപ്പും തമ്മില് വാക്കുതര്ക്കം ഉണ്ടായിരുന്നു. ഇതിന് ശേഷമാണ് ബസ് തട്ടി യുവാക്കള് ലോറിക്ക് അടിയിലേക്ക് വീണത്. ഈ മാസം 7ആം തീയതിയാണ് കെഎസ്ആര്ടിസി ബസ് ഇടിച്ച് ആദര്ശും, സബിത്തും മരണപ്പെട്ടത്. തൃശൂര്-പാലക്കാട് ദേശീയപാതയില് വച്ചാണ് അപകടം. കെഎസ്ആര്ടിസി ഡ്രൈവര് മനപ്പൂര്വ്വം അപകടമുണ്ടാക്കിയതായി സംശയിക്കുന്നതായി അപകടത്തില് മരിച്ച സബിത്തിന്റെ സഹോദരന് കെ ശരതും പറഞ്ഞു