KSRTC യിൽ നടപ്പിലാക്കിയ 12 മണിക്കൂർ സിംഗിൾ ഡ്യൂട്ടി സർക്കാർ നയമാണോ എന്ന് വ്യക്തമാക്കണം:K L രാജേഷ്

KSRTC യിൽ നടപ്പിലാക്കിയ 12 മണിക്കൂർ സിംഗിൾ ഡ്യൂട്ടി സർക്കാർ നയമാണോ എന്ന് വ്യക്തമാക്കണം:K L രാജേഷ്
8 മണിക്കൂർ ജോലി 8 മണിക്കൂർ വിനോദം 8 മണിക്കൂർ വിശ്രമം എന്ന തൊഴിൽ നിയമം നിലനിൽക്കുമ്പോൾ KSRTC ജീവനക്കാർക്ക് മാനേജ്മെൻറ് നൽകിയ 12 മണിക്കൂർ സിംഗിൾ ഡ്യൂട്ടി ഉത്തരവ് സർക്കാർ നയമാണോ എന്ന് വ്യക്തമാക്കണമെന്ന് KST എംപ്ലോയീസ് സംഘ് സംസ്ഥാന ജനറൽ സെക്രട്ടറി K L രാജേഷ് ആവശ്യപ്പെട്ടു.
12 മണിക്കൂർ സിംഗിൾ ഡ്യൂട്ടിക്കെതിരെ സംസ്ഥാന വ്യാപകമായി നടക്കുന്ന പ്രതിഷേധ പരിപാടികളുടെ ഭാഗമായി ചിറ്റൂർ ഡിപ്പോയിൽ നടന്ന പ്രതിഷേധ പൊതുയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. നിയമ വിരുദ്ധമായ കരിനിയമങ്ങൾ തൊഴിലാളിക്കു മേൽ അടിച്ചേൽപ്പിക്കാനുള്ള ശ്രമം കൊടിക്കരുത്തുപയോഗിച്ച് ചെറുത്ത് തോൽപ്പിക്കുമെന്ന് അദ്ദേഹം പറഞ്ഞു.
യോഗത്തിൽ വെച്ച് തൊഴിലാളി ദ്രോഹ നടപടികൾക്കെതിരെ മൗനം പാലിക്കുന്ന ഇതര യൂണിയനുകളിൽ നിന്നും രാജിവെച്ച് വന്ന നേതാക്കന്മാർ ഉൾപ്പടെയുള്ളവർക്ക് KST എംപ്ലോയീസ് സംഘിന്റെ അംഗത്വം നൽകി ആദരിച്ചു. U തുളസീദാസ് , K ശിവദാസൻ , V സുധീഷ് , C ശശാങ്കൻ, V ഹരിദാസ് , C രതീഷ് , R രാജേഷ്, A ചന്ദ്ര പ്രകാശ്, K സുരേഷ്, M ഷാജുമോൻ എന്നിവരെയാണ് ആദരിച്ചത്.
ജില്ലാ സെക്രട്ടറി T V രമേഷ് കുമാർ , വർക്കിംഗ് പ്രസിഡൻറ് സുരേഷ് കൃഷ്ണൻ എന്നിവർ ആശംസകൾ നേർന്നു.
K കണ്ണൻ, PR മഹേഷ് എന്നിവർ പ്രതിഷേധത്തിന് നേതൃത്വം നൽകി. MD ക്ക് സമർപ്പിക്കുന്നതിനു വേണ്ടി ജീവനക്കാർ ഒപ്പിട്ട പ്രതിഷേധ കുറിപ്പ് യൂണിറ്റ് സെക്രട്ടറി വി.കണ്ണൻ ഡിപ്പോ അധികാരിക്ക് നൽകി.