അഖില കേരള വടംവലി മത്സരം സംഘടിപ്പിച്ചു.

മാളഃ മലർവാടി ആർട്സ് ആന്‍റ് സ്പോർട്സ് ക്ലബിൻ്റെ ആഭിമുഖ്യത്തിൽ 34 ടീമുകളെ പങ്കെടുപ്പിച്ചു കൊണ്ട് മൂന്നാമത് അഖില കേരള വടംവലി മത്സരം സംഘടിപ്പിച്ചു.
മാള സെൻ്റ് ആൻ്റണീസ് സ്കൂൾ ഗ്രൗണ്ടിൽ നടന്ന പൊതുപരിപാടി കൊടുങ്ങല്ലൂർ വി ആർ സുനിൽകുമാർ എം എൽ എ ഉദ്ഘാടനം ചെയ്തു. മത്സരം മുഖ്യാതിഥി
ഐ എം വിജയൻ (എ സി പി, ഇന്ത്യൻ ഫുട്ബോൾ ഇതിഹാസം) ഉദ്ഘാടനം ചെയ്തു. തുടർന്ന് പ്രശസ്ത മിമിക്രി കലാകാരൻ പ്രമോദ് മാളക്ക് മലർവാടി ആർട്സ് ആന്‍റ് സ്പോർട്സ് ക്ലബിൻ്റെ ഉപഹാരം സമർപ്പിച്ചു.
മാള സെൻ്റ് സ്റ്റനി സ്ലാവോസ് ഫൊറോന പള്ളി വികാരി വെ. റവ. ഫാ. വർഗീസ് ചാലിശ്ശേരി, ചർച്ച് കമ്മിറ്റി അംഗം പീറ്റർ പാറേക്കാട്ട് തുടങ്ങിയവർ സംബന്ധിച്ചു.
ക്ലബ് സെക്രട്ടറി സജി കുര്യാക്കോസ് സ്വാഗതവും പ്രസിഡന്‍റ് എൻ എസ് അശ്വിൻ അദ്ധ്യക്ഷത വഹിക്കുകയും ട്രഷറർ യു എസ് ശരത്ത് നന്ദി പറയുകയും ചെയ്തു. മത്സരത്തിൽ കവിത വേങ്ങാട്, വളാഞ്ചേരി, മലപ്പുറം ഒന്നാം സ്ഥാനത്തെത്തി 20000 രൂപയും ട്രോഫിയും നേടി. രണ്ടാം സ്ഥാനം സ്റ്റാർ വിഷൻ വെങ്കിടങ്ങ് 15000 രൂപയും ട്രോഫിയും കരസ്ഥമാക്കി.