കാട്ടുപന്നിയുടെ ആക്രമണത്തില്‍ ആറു വയസുകാരിക്ക് പരുക്ക്
തച്ചമ്ബാറ മുതുകുറിശി ഉ‍ഴുന്നുപറമ്ബ് സന്തോഷിന്‍റെയും ബിൻസിയുടേയും മകള്‍ പ്രാർഥന (6) ക്കാണ് പരുക്കേറ്റത്
മൂത്ത മകള്‍ കീർത്തനയെ സ്കൂള്‍ ബസില്‍ കയറ്റി വിട്ട ശേഷം വീട്ടിലേക്ക് മടങ്ങുകയായിരുന്ന ബിൻസിക്കും പ്രാർഥനയ്ക്കും നേരെയാണ് കാട്ടുപന്നി ആക്രമണമുണ്ടായത്. ബിൻസികയുടെ കയ്യിലുണ്ടായിരുന്ന പ്രാർഥന കാട്ടുപന്നിയുടെ ഇടിയില്‍ തെറിച്ച്‌ വീഴുകയായിരുന്നു. പിന്നാലെ കാട്ടുപന്നി പ്രാർഥനയ്ക്ക് നേരെ തിരിയുകയും കുട്ടിയെ ഉപദ്രവിക്കുകയുമായിരുന്നു. കുട്ടിയുടെ ഇടതു കാലിലും തലയിലും മുറിവുകളുണ്ട്.
