പുളിയപ്പറമ്പ് ഹയർ സെക്കൻഡറി സ്കൂളിലെ വിദ്യാർഥിയെ മർദിച്ച കേസിൽ മൂന്നുപേർ പിടിയിൽ. കള്ളിക്കാട് കളത്തിങ്കൽ വീട് സുഹൈബ്(21), റെയിൽവേ കോളനി കോട്ടപ്പാടം അൽ മിഷാൽ (21), കൽമണ്ഡപം പ്രതിഭാനഗർ അമീർ സുഹൈൽ (21) എന്നിവരെയാണ് ടൗൺ നോർത്ത് പോലീസ് അറസ്റ്റ് ചെയ്തത്.
വിദ്യാർഥികൾ തമ്മിലുണ്ടായ തർക്കത്തിനുശേഷം അതിൽ ഉൾപ്പെട്ട പ്ലസ് വൺ വിദ്യാർഥി വൈകീട്ട് സ്കൂൾ വിട്ട് വരുമ്ബോൾ ബസ് സ്റ്റോപ്പിന് സമീപമുള്ള കടയുടെ മുന്നിൽവെച്ച് ആക്രമിക്കുകയായിരുന്നു. പരുക്കേറ്റ മുഹമ്മദ് അസ്ലമിന്റെ പരാതിയിൽ കേസെടുത്താണ് നോർത്ത് പോലീസ് പ്രതികളെ അറസ്റ്റ് ചെയ്തത്.
