ലഹരിക്കെതിരെ കൈകോർത്ത് കേരളശ്ശേരി ഹയർ സെക്കണ്ടറി സ്കൂൾ വിദ്യാർഥികൾ
കേരളശ്ശേരി: കേരളശ്ശേരി ഹയർ സെക്കണ്ടറി സ്കൂളിൽ ലഹരിവിമുക്ത ക്യാമ്പയിനിന്റെ ഭാഗമായി ഒരുക്കിയ ലഹരി വിരുദ്ധ പ്രചാരണം ‘നോ ഡ്രഗ്സ്’ ശ്രദ്ധേയമായി. സ്കൂൾ മൈതാനത്ത് വിമുക്തി ക്ലബ്ബിലെ നൂറോളം വിദ്യാർത്ഥികൾ നോ ഡ്രഗ്സ് എന്ന അക്ഷരങ്ങളായി അണിനിരന്നത് സമൂഹത്തിന് സന്ദേശമായി മാറി.
ഹയർസെക്കണ്ടറി സ്കൂൾ പ്രിൻസിപ്പൽ എൻ എസ് സിനു, വിമുക്തി കോഓർഡിനേറ്റർ വി എം നൗഷാദ്, അധ്യാപകരായ കെ സജിൻ, എ ടി ഹരിപ്രസാദ്, സി രാധാകൃഷ്ണൻ, കെ വി വന്ദന, കെ ആർ ശ്രീദീപ്, എം ലീല, ശ്രീജു മാർഗശ്ശേരി എന്നിവർ നേതൃത്വം നൽകി
