ഗവര്ണര് ആരിഫ് മുഹമ്മദ് ഖാന്റെ ഷാളിന് തീപിടിച്ചു; വൻ അപകടം ഒഴിവായത് തലനാരിഴയ്ക്ക്
ഗവർണർ ആരിഫ് മുഹമ്മദ് ഖാന്റെ ഷാളിന് തീപിടിച്ചു. പാലക്കാട് അകത്തേത്തറ ശബരി ആശ്രമത്തിലെ പരിപാടിക്കിടെയാണ് സംഭവം.
ഷാളിന് തീപടർന്നത് ഉടൻതന്നെ ശ്രദ്ധയില്പ്പെട്ടതോടെ സുരക്ഷാ ഉദ്യോഗസ്ഥർ തീയണയ്ക്കുകയായിരുന്നു. അതിനാല് വൻ അപകടം ഒഴിവായി. പരിക്കുകളൊന്നും ഉണ്ടായിട്ടില്ല.
ആശ്രമത്തിലെ പരിപാടിക്കിടെ മഹാത്മാ ഗാന്ധിയുടെ ചിത്രത്തില് പുഷ്പങ്ങള് അർപ്പിക്കുന്നതിനായി കുനിയുന്നതിനിടെ സമീപത്തുണ്ടായിരുന്ന കത്തിച്ചുവച്ച വിളക്കില് നിന്നും കഴുത്തിലിട്ടിരുന്ന ഷാളിലേക്ക് തീ പടരുകയായിരുന്നു. ഉടൻ തന്നെ സംഭവം സമീപത്തുണ്ടായിരുന്നുവരുടെ ശ്രദ്ധയില്പ്പെട്ടു.
അവർ ഞൊടിയിടക്കുള്ളില് ഗവർണറുടെ കഴുത്തില് നിന്ന് ഷാള് എടുത്തുമാറ്റുകയായിരുന്നു. ഷാളില് തീ പടർന്ന വിവരം അപ്പോഴാണ് ഗവർണർ പോലും അറിയുന്നത്. അപകടത്തിന്റെ അങ്കലാപ്പൊന്നും കാണിക്കാതെ തുടർന്നുള്ള ചടങ്ങില് അദ്ദേഹം പങ്കെടുക്കുകയും ചെയ്തു
