പാലക്കാട് നഗരസഭയിൽ ഗാന്ധി പ്രതിമയിൽ ബി.ജെ.പി പതാക പുതപ്പിച്ച സംഭവം: പ്രതി മാനസിക നില തെറ്റിയ ആളാണെന്ന് പറഞ്ഞ് കേസ് മുക്കാനുള്ള പോലീസ് ശ്രമം അനുവദിക്കില്ല – വെൽഫെയർ പാർട്ടി
പാലക്കാട്: നഗരസഭയിലെ ഗാന്ധി പ്രതിമയിൽ ബി.ജെ.പി പതാക പുതപ്പിച്ച സംഭവത്തിൽ അറസ്റ്റ് ചെയ്ത പ്രതി മാനസിക നില തെറ്റിയ ആളാണെന്ന് വരുത്തി തീർത്ത് കേസ് മുക്കാനുള്ള ശ്രമമാണ് പോലീസ് നടത്തുന്നതെന്നും ഇത് അനുവദിക്കില്ലെന്നും വെൽഫെയർ പാർട്ടി മുൻസിപ്പൽ കമ്മിറ്റി യോഗം പ്രസ്താവനയിൽ പറഞ്ഞു.ബി.ജെ.പിയും ആർ.എസ്.എസും പ്രതിസ്ഥാനത്ത് നിൽക്കുന്ന പല കേസുകളിലും ഇത്തരം സമീപനമാണ് പോലീസ് എടുക്കുന്നത്.ഈ സംഭവവും കൂടി വന്നതോടെ സി.പി.എമ്മിൻ്റെ ബി.ജെ.പി വിധേയത്വം വീണ്ടും വീണ്ടും മറനീക്കി പുറത്തു വന്നിരിക്കുകയാണെന്നും യോഗം ചൂണ്ടിക്കാട്ടി. ഗാന്ധി പ്രതിമയിൽ ബി.ജെ.പി പതാക പുതപ്പിച്ച കേസിലെ പ്രതികൾക്ക് അർഹമായ ശിക്ഷ വാങ്ങിക്കൊടുക്കും വരെ ശക്തമായ പ്രതിഷേധങ്ങൾ സംഘടിപ്പിക്കുമെന്ന് യോഗം മുന്നറിയിപ്പ് നൽകി.
