മണ്ണാർക്കാട് വൻ സ്ഫോടക ശേഖര വേട്ട ….. പിടികൂടിയത് 5കോടി രൂപയുടെ ജലാറ്റിൻ സ്റ്റിക്കുകൾ
മണ്ണാർക്കാട് വൻ സ്ഫോടകവസ്തു വേട്ട.5 കോടി രൂപയുടെ ജലാറ്റിൻസ്റ്റിക് എക്സൈസ് സംഘം പിടികൂടി.രണ്ട് പേർ അറസ്റ്റിലായി.രഹസ്യവിവരത്തെ തുടർന്ന് എക്സൈസ് നടത്തിയ മിന്നൽ പരിശോധനയിലാണ് പച്ചക്കറിയാണെന്ന വ്യാജേന ചരക്കുലോറിയിൽ കടത്തുകയായിരുന്ന സ്ഫോടകവസ്തുക്കൾ നൊട്ടമലയിൽ നിന്നും എക്സൈസ് സംഘം പിടികൂടിയത്.വാളയാറിൽ നിന്നും തുടങ്ങിയ പരിശോധനയായിരുന്നെന്ന് എക്സൈസ് സംഘം പറഞ്ഞു.
ലോറിയിലുണ്ടായിരുന്ന തമിഴ്നാട് സേലം സ്വദേശികളായ ഇലവരശൻ,ശരവണൻ എന്നിരാണ് പിടിയിലായത്.ചരക്കു ലോറിയിൽ പച്ചക്കറി ചാക്കുകൾക്ക് നടുവിൽ ഏകദേശം 25 കിലോ വരുന്ന 150 ഓളം പാക്കറ്റുകളാണ് പിടികൂടിയിരിക്കുന്നത്.കൃത്യമായ കണക്കെടുത്ത് പോലീസിന് കൈമാറുമെന്ന് എക്സൈസ് സംഘം അറിയിച്ചു.
