തദ്ദേശഭരണ തെരഞ്ഞെടുപ്പ്: മാതൃകാ പെരുമാറ്റച്ചട്ടം
സ്ഥാനാര്ത്ഥികള് പ്രചാരണത്തിന് വാഹനങ്ങള് ഉപയോഗിക്കുമ്പോള് ശ്രദ്ധിക്കേണ്ടത്
- സ്ഥാനാര്ത്ഥിയ്ക്ക് ഇരുചക്രവാഹനമുള്പ്പെടെ എത്ര വാഹനങ്ങളും കോവിഡ് -19 മാനദണ്ഡങ്ങള് പാലിച്ച് ഉപയോഗിക്കാം. ഇത് തെരഞ്ഞെടുപ്പ് ചെലവ് കണക്കിന്റെ പരിധിയില് ഉള്പ്പെടും.
- വാഹന ഉപയോഗത്തിന് വരണാധികാരിയുടെ അനുമതി വാങ്ങുകയും വരണാധികാരി നല്കുന്ന പെര്മിറ്റ് വാഹനത്തിന്റെ മുന്വശത്ത് കാണത്തക്കവിധം പ്രദര്ശിപ്പിക്കുകയും ചെയ്യണം.
- പെര്മിറ്റില് വാഹനത്തിന്റെ നമ്പര്, സ്ഥാനാര്ത്ഥിയുടെ പേര് എന്നിവ ഉണ്ടാകണം.
- ഒരു സ്ഥാനാര്ത്ഥിയുടെ പേരില് പെര്മിറ്റ് എടുത്ത വാഹനം മറ്റൊരു സ്ഥാനാര്ത്ഥി ഉപയോഗിക്കുന്നത് കുറ്റകരമാണ്.
- ജില്ലാ തിരഞ്ഞെടുപ്പ് ഉദ്യോഗസ്ഥന്റെയോ വരണാധികാരിയുടെയോ പെര്മിറ്റ് ഇല്ലാത്ത വാഹനം പ്രചാരണത്തിന് ഉപയോഗിക്കാന് പാടില്ല. അത്തരം വാഹനങ്ങള് അനധികൃത പ്രചാരണ വാഹനമായി കണക്കാക്കി നടപടി സ്വീകരിക്കും.
ജില്ലാ ഇന്ഫര്മേഷന് ഓഫീസ്, പാലക്കാട്