സ്കൂളുകളിൽ കുട്ടികളെ തനിച്ചു വിടാൻ ഭയക്കുന്ന സാഹചര്യം’
പാലക്കാട് : ഒലവക്കോട്. ചുണ്ണാമ്പുതറ. സുന്ദരം കോളനി. കൽമണ്ഡപം ബൈപാസ് റോഡ്.ബി ഓ സി റോഡ്.തുടങ്ങിയപ്രദേശങ്ങളിൽ തെരുവുനായ്ക്കളുടെ ശല്യം രൂക്ഷം. പുറത്തിറങ്ങാൻ വടി കൂടി കയ്യിൽ കരുതുകയാണു പ്രദേശത്തുകാർ. പാലക്കാട് നഗരസഭാ പരിധിയിൽ തെരുവു നായ്ക്കളുടെ ശല്യം രൂക്ഷമാണ്. പത്തിലേറെ നായ്ക്കൾ അടങ്ങുന്ന കൂട്ടങ്ങൾ വരെ അലയുന്നുണ്ട്.
കാൽനട യാത്രികർക്കൊപ്പം ഇരുചക്ര വാഹന യാത്രക്കാർക്കും തെരുവ് നായ്ക്കൾ ഭീഷണിയാകുന്നു. ശങ്കുവാരമേഡ് നായ്ക്കൾ പിന്നാലെ ഓടിയതിനെത്തുടർന്നു ബൈക്ക് മറിഞ്ഞെങ്കിലും പരുക്കില്ലാതെ രക്ഷപ്പെടാനായി. കുട്ടികളെ തനിച്ചു സ്കൂളുകളിൽ വിടാൻ പോലും ഭയക്കുന്ന സാഹചര്യമാണ് പലയിടത്തുമെന്നു നാട്ടുകാർ പറഞ്ഞു. ഇതിനെതിരെ നഗരസഭ ശക്തമായ നടപടി കൈക്കൊള്ളണം എന്നാണ് ജനകീയ ആവശ്യം
