DFO മർദ്ദിച്ചെന്ന് വനം വകുപ്പു ഡ്രൈവർ:
പോലീസിൽ പരാതി
മണ്ണാർക്കാട്:ഡി എഫ് ഒ മർദ്ദിച്ചെന്ന പരാതിയുമായി വനം വകുപ്പ് ഡ്രൈവർ. പാലക്കയം ഫോറസ്റ്റ് സ്റ്റേഷനിലെ ഡ്രൈവറായ വി.എ.സുനിലാണ് പോലീസിൽ പരാതി നൽകിയത്. ഇന്ന് രാവിലെ പാലക്കയം ഫോറസ്റ്റ് ഓഫീസിലെത്തിയ മണ്ണാർക്കാട് DFO ജയപ്രകാശ് ഡപ്യൂട്ടി റേഞ്ച് ഓഫീസറുടെ ഓഫീസിലേക്ക് തന്നെ വിളിച്ച് വരുത്തുകയും മർദ്ദിക്കുകയും ചെയ്തു എന്നാണ് പരാതിയിൽ സുനിൽ പറയുന്നത്.തുടർന്ന് സഹപ്രവർത്തകർ ഇടപെട്ട് കൂടുതൽ മർദ്ദനത്തിൽ നിന്നും രക്ഷപ്പെടുത്തുകയായിരുന്നു എന്നും പറയുന്നു.കഴിഞ്ഞ ദിവസം മാധ്യമങ്ങളിൽ വന്ന വാർത്തയുമായി ബന്ധപ്പെട്ടാണ് DFO മർദ്ദിച്ചതെന്നാണ് സുനിൽ പറയുന്നത്.മർദ്ദനത്തെ തുടർന്ന് നെഞ്ചുവേദന അനുഭവപ്പെട്ട സുനിൽ ചികിൽസ തേടി.മേലുദ്യോഗസ്ഥന്റെ ഇത്തരം നടപടി മൂലം ശാരീരികമായും മാനസികമായും പരിക്കേറ്റ തനിക്ക് നീതി ലഭിക്കണമെന്ന് പരാതിയിൽ പറയുന്നു.