തോട്ടിലൂടെ ഒഴുകിയെത്തിയ മാന്‍കുട്ടിയെ രക്ഷപ്പെടുത്തി ഓട്ടോ ഡ്രൈവര്‍

കല്ലടിക്കോട് : തോട്ടിലൂടെ ഒഴുകിയെത്തിയ മാന്‍കുട്ടിയെ ഓട്ടോ ഡ്രൈവറായ യുവാവ് രക്ഷപെടുത്തി.കരിമ്പ മൂന്നേക്കര്‍ മണലില്‍ ഭാഗത്തെ തോട്ടിലെ വെള്ളക്കെട്ടില്‍ നിന്നാണ് മാന്‍കുട്ടിയെ രക്ഷപെടുത്തിയത്.ഓട്ടോറിക്ഷയുമായി പോകുന്നതിനിടെ വെള്ളക്കെട്ടില്‍ മുങ്ങിത്താഴുന്ന മാന്‍ കുട്ടിയെ മോനിഷ് മോഹന്‍ കാണുകയായിരുന്നു. ഉടന്‍ തന്നെ വാഹനം നിര്‍ത്തി വെള്ളത്തിലിറങ്ങി മാന്‍ കുട്ടിയെ രക്ഷിച്ചു. അബോധാവസ്ഥയിലായിരുന്ന മാന്‍ കുട്ടിക്ക് പ്രാഥമിക ശിശ്രുഷയും നല്‍കി.തുടര്‍ന്ന് വിവരമറിഞ്ഞെത്തിയ തുടിക്കോട് വന സംരക്ഷണ സമിതി പ്രസിഡന്റ് സോജന്റെ നേതൃത്വത്തില്‍ വനപാലകരെ വിവരം അറിയിച്ചു.