കൊലപാതകം അവിഹിത ബന്ധം ചോദ്യം ചെയ്തതിനെത്തുടര്ന്ന്
പാലക്കാട്: കാരപ്പാടത്ത് ഭര്തൃവീട്ടില് യുവതി പൊള്ളലേറ്റ് മരിച്ച സംഭവം കൊലപാതകമെന്ന് തെളിഞ്ഞു. ഭർത്താവ് ശ്രീജിത്ത് ശ്രുതിയെ തീകൊളുത്തി കൊല്ലുകയായിരുന്നുവെന്ന് പൊലീസ് വ്യക്തമാക്കി. ശ്രുതിയുടെ വീട്ടുകാരുടെ പരാതിയെ തുടർന്ന് നടത്തിയ അന്വേഷണത്തിലാണ് കൊലപാതകമാണെന്ന് തെളിഞ്ഞത്. അവിഹിത ബന്ധം ചോദ്യം ചെയ്തതാണ് കൊലപാതകത്തിലേക്ക് നയിച്ചതെന്ന് ശ്രീജിത്ത് പൊലീസിനോട് വെളിപ്പെടുത്തി.
ശ്രീജിത്തിന് മറ്റൊരു സ്ത്രീയുമായി ബന്ധമുള്ളത് ശ്രുതി ചോദ്യം ചെയ്തിരുന്നു. ഇത് സംബന്ധിച്ചുള്ള തര്ക്കമാണ് കൊലപാതകത്തില് കലാശിച്ചത്. മക്കളുടെ മുന്നിൽ വെച്ചായിരുന്നു ക്രൂരകൃത്യം നടന്നത്. ശ്രീജിത്ത് നിലവില് റിമാന്ഡിലാണ്. ഇയാളെ വിശദമായി ചോദ്യം ചെയ്തതില് നിന്നാണ് കൊലപാതക വിവരം പുറത്തായത്. ശ്രീജിത്തും ശ്രുതിയും തമ്മില് പ്രശ്നങ്ങള് ഉണ്ടായിരുന്നതായും വഴക്കുകള് പതിവായി ഉണ്ടായിരുന്നതായും പൊലീസിന് വ്യക്തമാക്കി.