ഒരുകോടിരൂപ വിലവരുന്ന നിരോധിത പുകയില ഉത്പന്നങ്ങൾ കൊപ്പം പോലീസ് പിടികൂടി. വണ്ടുന്തറയിൽ നിർത്തിയിട്ട ലോറിയിൽനിന്ന് പിക്കപ്പ് വാനിലേക്ക് പുകയില ഉത്പന്നങ്ങൾ മാറ്റുന്ന സമയത്താണ് പോലീസ് പിടികൂടിയത്. സംഭവവുമായി ബന്ധപ്പെട്ട് കരിമ്പുഴ സ്വദേശി സുധീഷിനെ (33) അറസ്റ്റുചെയ്തു. ഇയാൾക്കൊപ്പമുണ്ടായിരുന്ന മറ്റൊരാൾ ഓടിരക്ഷപ്പെട്ടു. ഇരുവാഹനങ്ങളും പോലീസ് കസ്റ്റഡിയിലെടുത്തു.
