മുന് സിപിഐഎം ഏരിയ കമ്മറ്റി അംഗം വിമതനായി മത്സരിക്കുന്നു;
പാലക്കാട്: തദ്ദേശ തെരഞ്ഞെടുപ്പില് പാലക്കാട് നഗരസഭയില് സിപിഐഎമ്മിന് വിമത സ്ഥാനാര്ത്ഥി. നഗരസഭയിലെ 28ാം വാര്ഡിലാണ് മുന് സിപിഐഎം ഏരിയാ കമ്മറ്റിയംഗവും ഡിവൈഎഫ്ഐ നേതാവുമായ എംഎസ് ഷാജന് വിമതനായി മത്സരിക്കുന്നത്. ഇപ്പോള് ബ്രാഞ്ച് കമ്മറ്റിയംഗമാണ് ഷാജന്.
സിപിഐഎം നേതാവായ എഎസ് സഹദേവനാണ് വാര്ഡിലെ എല്ഡിഎഫ് സ്ഥാനാര്ത്ഥി. വാര്ഡ് നിലവില് വന്ന 1964 മുതല് ഇടതുപക്ഷം മാത്രമേ ഇവിടെ വിജയിച്ചിട്ടുള്ളൂ.
അതേ സമയം താന് മത്സരിക്കുന്നത് പാര്ട്ടിക്ക് എതിരെ അല്ലെന്നും പാലക്കാട് ഏരിയയിലെ നേതൃത്വത്തിന്റെ സമീപനത്തിന് എതിരെ ആണെന്നും എംഎസ് ഷാജന് പറഞ്ഞു.
