ബിജെപി നേതൃത്വത്തിന്‍റെ നയങ്ങളില്‍ പ്രതിഷേധിച്ച് ക‍ഴിഞ്ഞ ദിവസം പാലക്കാട് ആലത്തൂരില്‍ രാജിവെച്ച ശോഭ സുരേന്ദ്രന്‍ അനുകൂലികളായ ബിജെപി നേതാക്കള്‍ സിപിഐഎമ്മിനോടൊപ്പം ചേര്‍ന്ന് പ്രവര്‍ത്തിക്കാന്‍ തീരുമാനിച്ചു. ബിജെപി ബന്ധമുപേക്ഷിച്ചെത്തിയവരെ സിപിഐഎം ജില്ലാ സെക്രട്ടറി സികെ രാജേന്ദ്രന്‍റെ നേതൃത്വത്തില്‍ സ്വീകരിച്ചു.
ബിജെപി ആലത്തൂർ മണ്ഡലം വൈസ്‌ പ്രസിഡന്‍റ് പ്രകാശിനി നാരായണൻ, ഒബിസി മോർച്ച മണ്ഡലം ട്രഷറർ കെ നാരായണൻ, ആർഎസ്‌എസ്‌ മുഖ്യ ശിക്ഷക്‌ എൻ വിഷ്‌ണു എന്നിവരാണ് ബിജെപിയില്‍ നിന്ന് രാജിവെച്ച് സിപിഐഎമ്മിനൊപ്പം ചേര്‍ന്ന് പ്രവര്‍ത്തിക്കാന്‍ തീരുമാനിച്ചത്.
