ലോക്ഡൗണ് ലംഘിച്ച് പാലക്കാട് നഗരത്തിലെ ഹോട്ടലില് കയറിയിരുന്ന ആലത്തൂര് എംപി രമ്യ ഹരിദാസിനും കോണ്ഗ്രസ് നേതാക്കള്ക്കുമെതിരെയും, ഭക്ഷണം കഴിക്കാന് അനുവദിച്ച ഹോട്ടലിനെതിരെയും നടപടി സ്വീകരിക്കണമെന്ന് സിപിഐ എം ജില്ലാ സെക്രട്ടറി സി കെ രാജേന്ദ്രന്.
കോണ്ഗ്രസ് നേതാക്കളുടെ നിയമലംഘനം ചോദ്യം ചെയ്ത യുവാക്കളെ മര്ദ്ദിച്ചവര്ക്കുമെതിരെ നടപടി വേണമെന്നും അദ്ദേഹം ആവശ്യപ്പെട്ടു.
കേരളത്തില് കോവിഡിന്റെ മൂന്നാം തരംഗ ഭീഷണിയില് ജനങ്ങള് ആശങ്കയോടെ കഴിയുമ്പോഴാണ് ഉത്തരവാദിത്തമില്ലാതെ എംപിയുടെ നേതൃത്വത്തില് ഒരുസംഘമാളുകള് ഹോട്ടലില് ഇരുന്ന് ഭക്ഷണം കഴിച്ചത്. കേരളത്തില് ഒരു ഹോട്ടലിലും ഇരുന്ന് ഭക്ഷണം കഴിക്കാന് അനുമതി നല്കിയിട്ടില്ല.
