ജില്ലയിലെ എല്ലാ വ്യാപാര – വ്യവസായ സ്ഥാപനങ്ങളും രാത്രി 7. 30 ന് തന്നെ അടയ്ക്കണം : ജില്ലാ കലക്ടർ
കോവിഡ്-19 പ്രതിരോധത്തിന്റെ ഭാഗമായി ജില്ലയിലെ വലുതും ചെറുതുമായ എല്ലാ കടകളും , മാളുകൾ, വ്യാപാര – വ്യവസായ സ്ഥാപനങ്ങൾ, തിയേറ്ററുകൾ, ബാറുകൾ ക്ലബ്ബുകൾ എന്നിവ രാത്രി 7 .30 ന് തന്നെ അടയ്ക്കണമെന്ന് ദുരന്തനിവാരണ അതോറിറ്റി ചെയർമാൻ കൂടിയായ ജില്ലാ കലക്ടർ മൃൺമയി ജോഷി അറിയിച്ചു.
ജില്ലയിലെ എല്ലാ ഹോട്ടലുകളിലും ഇരുന്ന് ഭക്ഷണം കഴിക്കാൻ രാത്രി 7.30 വരെ മാത്രമാണ് അനുവദിക്കുക. രാത്രി ഒമ്പത് വരെ ടേക്ക് എവെ/ പാഴ്സൽ സംവിധാനം അനുവദിക്കും. ജില്ലയിൽ നിർദ്ദേശങ്ങൾ കർശനമായി നടപ്പാക്കാൻ ജില്ലാ പോലീസ് മേധാവിയ്ക്കും സെക്ടറിൽ മജിസ്ട്രേറ്റ്മാർക്കും നിർദ്ദേശം നൽകിയതായും ജില്ലാ കലക്ടർ അറിയിച്ചു.
