ചമ്പാരൻ സമരത്തെ ഓർമ്മിപ്പിക്കുന്നതാണ് രാജ്യത്തെ കർഷക സമരം കർഷക കോൺഗ്രസ്സ്
മുണ്ടൂർ:കർഷക സമരം രാജ്യത്ത് ഇപ്പോൾ നടക്കുന്നത് ഗാന്ധി ആദ്യം നടത്തിയ നീലം കർഷകരുടെ സമരത്തെ ഓർമ്മിപ്പിക്കുന്നതാണെന്നും, അന്ന് ബ്രിട്ടീഷ് സർക്കാർ ആയിരുന്നുവെങ്കിൽ ഇപ്പോൾ കോർപ്പറേറ്റുകളെ സഹായിക്കുന്ന സർക്കാറാണ് രാജ്യത്ത് നിലവിലുള്ളത് എന്ന വ്യത്യാസം മാത്രമേ ഉള്ളൂ എന്ന് കർഷക കോൺഗ്രസ്സ് മണ്ഡലം കമ്മിറ്റി മുണ്ടൂർ സംഘടിപ്പിച്ച ഗാന്ധിജിയുട 74-മത്തെ രക്തസാക്ഷിത്വ ദിനത്തോടനുബന്ധിച്ച് മണ്ഡലം കോൺഗ്രസ്സ് പ്രസിഡന്റ് പി.കെ വാസു അനുസ്മരിച്ചു. മണ്ഡലം പ്രസിഡന്റ് സി.വി വിജയൻ, കർഷക കോൺഗ്രസ്സ് നിയോജക മണ്ഡലം പ്രസിഡന്റ് എ. സി സിദ്ധാർത്ഥൻ,കെ.ജി സുകുമാരൻ,വി.ആർ നാരായണൻ, മുസ്തഫ തുടങ്ങിയവർ സംസാരിച്ചു.