കോടിയേരിയുടെ രാജി മുഖ്യമന്ത്രിക്കുള്ള സന്ദേശം : ഷാഫി പറമ്പില്‍

‘കോടിയേരിയുടെ രാജി മുഖ്യമന്ത്രിക്കുള്ള സന്ദേശം’; ആരോഗ്യം മോശം പിണറായിയുടേതെന്ന് പരിഹസിച്ച് ഷാഫി പറമ്പില്‍സിപിഐഎം സംസ്ഥാന സെക്രട്ടറി സ്ഥാനത്ത് നിന്നും കോടിയേരി ബാലകൃഷ്ണന്‍ പിന്മാറിയത് മുഖ്യമന്ത്രിക്കുള്ള സന്ദേശമെന്ന് ഷാഫി പറമ്പില്‍ എംഎല്‍എ. ആരോഗ്യ പ്രശ്‌നമുള്ളത് കൊണ്ടാണ് കോടിയേരി സ്ഥാനത്ത് നിന്നും മാറി നില്‍ക്കുന്നതെന്ന വാദം വിശ്വസിക്കാന്‍ ആവില്ലെന്നും ഷാഫി പറമ്പില്‍ പറഞ്ഞു.കോടിയേരിക്ക് പകരം എല്‍ഡിഎഫ് കണ്‍വീനര്‍ എ വിജയരാഘവനാണ് ചുമതല ഏറ്റെടുത്തിരിക്കുന്നത്‌. മാറി നില്‍ക്കാനുള്ള സന്നദ്ധത കോടിയേരി അറിയിച്ചതിനെ തുടര്‍ന്ന് തീരുമാനം സംസ്ഥാന സെക്രട്ടറിയേറ്റ് അംഗീകരിച്ചു. തുടര്‍ ചികിത്സ ആവശ്യമായതിനാല്‍ കോടിയേരി ബാലകൃഷ്ണന്‍ സെക്രട്ടറി സ്ഥാനം ഒഴിയുകയാണെന്നാണ് സിപിഐഎം സംസ്ഥാന സെക്രട്ടറിയേറ്റ് വാര്‍ത്താക്കുറിപ്പില്‍ അറിയിച്ചത്.