കേരള കോൺഗ്രസ് (എം) സി എഫ് തോമസ് എം എൽ എ അനുസ്മരണം നടത്തി
പാലക്കാട്:
രാഷ്ട്രിയ വിശുദ്ധിയുടെ പ്രതീകമായിരുന്നു സി എഫ് തോമസ് എംഎൽഎ എന്ന് മുൻ ചീഫ് വിപ്പും കേരള കോൺഗ്രസ് (എം ) ഉന്നതാധികാര സമിതി അംഗവുമായ അഡ്വ:തോമസ് ഉണ്ണിയാടൻ അഭിപ്രായപെട്ടു. നീണ്ട 40 വർഷത്തോളം ജനപ്രതിനിധിയായി, മന്ത്രിയായും, എംഎൽഎ ആയും പ്രവർത്തിച്ച സി എഫ് തോമസ് ആരോപണത്തിന്റെയും, അഴിമതിയുടെയും, കറപുരളാത്ത വ്യക്തിയായിരുന്നു. കേരള കോൺഗ്രസ് (എം) പാലക്കാട് ജില്ലാ കമ്മിറ്റി സംഘടിപ്പിച്ച അനുസ്മരണം സമ്മേളനം ഉത്ഘാടനം ചെയ്ത് സംസാരിക്കുകയായിരുന്നു തോമസ് ഉണ്ണിയാടൻ. ജില്ലാ പ്രസിഡന്റ്‌ ജോബി ജോൺ അധ്യക്ഷവഹിച്ചു, എം പി പോളി മുഖ്യാതിഥിയായി. നേതാക്കളായ കെ.ശിവരാജേഷ്‌, തോമസ് ജേക്കബ്, ജോയ് കാക്കനാടൻ, എം വി. രാമചന്ദ്രൻനായർ, എൻ പി.ചാക്കോ, മാധവവാര്യർ, റെജി ഉള്ളെരിക്കൽ, എൻ വി. സാബു, പ്രഫസർ :മാത്യു, വി എ. ബെന്നി, ടി കെ. വത്സലൻ, പ്രജീഷ് പ്ലാക്കൽ, വർക്കി ഉമ്മൻ, മനോജ്‌ മണ്ണാർക്കാട്, അഭിജിത് മാണി, ഹാൻസൺ, ടി കെ. സുബ്രമണ്യൻ, ബിജു പൂഞ്ചോല, ശിവാനന്ദൻ, തുടങ്ങിയവർ സംസാരിച്ചു
