നെല്ലിയാമ്പതി : സംസ്ഥാന സർക്കാരിന്റെ ആരോഗ്യ ജാഗ്രത 2022, ജലജന്യരോഗ നിയന്ത്രണ പരിപാടി എന്നിവയുടെ ഭാഗമായി നെല്ലിയാമ്പതി പ്രാഥമിക ആരോഗ്യ കേന്ദ്രത്തിന്റെയും, വിക്ടോറിയ, നൂറടിപാലം വാർഡുതല സമിതിയുടെയും ആഭിമുഖ്യത്തിൽ ഇന്നലെ നെല്ലിയാമ്പതിയിലെ ലില്ലി, കാരപ്പാറ, പുല്ലാല, രാജാക്കാട്, തോട്ടയ്ക്കാട്, പാടഗിരി, നൂറടി, പൂത്തുണ്ട്, കൂനമ്പാലം, ഏലം സ്റ്റോർ, ഫാക്ടറി, തേനിപ്പാടി എന്നീ പ്രദേശങ്ങളിൽ മുഴുവൻ കുടിവെള്ള കിണറുകളും ബ്ലീച്ചിങ് പൗഡർ ഉപയോഗിച്ച് ക്ലോറിനേഷൻ നടത്തി.
നെല്ലിയാമ്പതി പ്രാഥമിക ആരോഗ്യ കേന്ദ്രത്തിലെ ജൂനിയർ ഹെൽത്ത് ഇൻസ്പെക്ടർമാരായ ആരോഗ്യം ജോയ്സൺ, സൈനു സണ്ണി, ആശാവർക്കർ ദീപാ, സോഷ്യൽവർക്കർ വേൽമുരുകൻ പുല്ലുകാട് എന്നിവരടങ്ങുന്ന സംഘം നേരിട്ടെത്തിയാണ് ക്ലോറിനേഷൻ നടത്തിയത്.
വാർത്ത. രാമദാസ് ജി കൂടല്ലൂർ.
ഫോട്ടോ : നെല്ലിയാമ്പതി ഫാക്ടറി പ്രദേശത്തെ കിണറ്റിൽ ആരോഗ്യപ്രവർത്തകർ ക്ലോറിനേഷൻ നടത്തുന്നു.
