ആശയക്കുഴപ്പമുണ്ടാക്കി യ ബോർഡ് നഗരസഭ മായിച്ചു……….
ഒറ്റപ്പാലം:ഒറ്റപ്പാലം പോസ്റ്റ്ഓഫീസിനു സമീപത്തു കൂടി കടന്നു പോകുന്ന റോഡിൽ നഗരസഭ സ്ഥാപിച്ച ബോർഡിലെ പേര് നഗരസഭ മായിച്ചു. വക്കീൽ വി. രാമൻ നായർ റോഡ് എന്ന പഴയ നഗരസഭയുടെ ബോർഡിനു സമീപം പുതിയ ബോർഡ് വന്നപ്പോൾ ഈ പേര് പാണംപള്ളിയാലിൽ എൽ. പി സ്കൂൾ റോഡ് എന്നാക്കി മാറ്റിയിരുന്നു. ഒറ്റപ്പാലം നഗരസഭയുടെ പ്ലാൻ ഫണ്ടിൽ ഉൾപ്പെടുത്തി ഏകദേശം രണ്ട് ലക്ഷം രൂപ മുടക്കി സ്ഥാപിച്ച ബോർഡുകളിൽ ഒന്നിലാണ് ഇത്തരത്തിൽ ആശയക്കുഴപ്പമുണ്ടാക്കുന്ന രീതിയിൽ പേര് വന്നത് . ഇതിന് സമീപം നഗരസഭ സ്ഥാപിച്ച പഴയ ബോർഡ് വക്കീൽ വി രാമൻ നായർ റോഡ് എഴുതിയിരിക്കുന്നതും കാണാം. ഒറ്റപ്പാലം നഗരസഭ സെക്രട്ടറിയുടെ ചാർജ് വഹിക്കുന്ന ഉദ്യോഗസ്ഥൻ അടിയന്തരമായി ഇടപെട്ടാണ് ഈ ബോർഡിലെ പേര് നീക്കം ചെയ്തത്. നഗരസഭ ജനങ്ങൾക്ക് ആശയക്കുഴപ്പമുണ്ടാക്കുന്ന പേര് മാറ്റിയ തീരുമാനത്തെ സ്വാഗതം ചെയ്യുന്നു എന്ന് തോട്ടക്കര നവയുഗ റസിഡൻസ് അസോസിയേഷൻ പ്രസിഡണ്ട് ഉസ്മാൻ കരണംകോട് പറഞ്ഞു.
