ഷൊർണൂർ റെയില്‍വേ സ്റ്റേഷനില്‍ നിന്ന് ബൈക്ക് മോഷ്ടിച്ച സംഭവത്തില്‍ യുവതിയും യുവാവും അറസ്റ്റില്‍.
കോന്നി അഭിജിത്ത്, മണ്ണാർക്കാട് നെല്ലിപ്പുഴ സ്വദേശി നൗഷിദ എന്നിവരെയാണ് ഷൊർണൂർ പോലീസ് അറസ്റ്റ് ചെയ്തത്. ഇവരില്‍ നിന്ന് കഞ്ചാവും പിടികൂടി.
ഓഗസ്റ്റ് 28 ന് ആണ് ഷൊർണൂർ റെയില്‍വേ സ്റ്റേഷനില്‍ നിന്നും ഇവർ ബൈക്ക് മോഷ്ടിച്ചത്. തത്തമംഗലം സ്വദേശി വിജുവിന്‍റെ ബൈക്കാണ് മോഷണം പോയത്. സിസിടിവി കേന്ദ്രീകരിച്ച്‌ പൊലീസ് നടത്തിയ അന്വേഷണത്തിലാണ് കൊച്ചിൻ പാലത്തിന് സമീപത്തുനിന്നു പ്രതികളെ ബൈക്കുള്‍പ്പെടെ പിടികൂടിയത്.
