എലപ്പുള്ളി: കുന്നുകാട് എയിം സാമൂഹിക പുരോഗമന കേന്ദ്രത്തിന്റെ പതിനേഴാമത് വാർഷിക ജനറൽ ബോഡി യോഗം കുന്നുകാട് എം. കെ. ഓഡിറ്റോറിയത്തിൽ വെച്ച് നടന്നു. യോഗം ജില്ലാ പഞ്ചായത്ത് മെമ്പർ ശ്രീമതി പത്മിനി ടീച്ചർ ഉദ്ഘാടനം ചെയ്തു എയിം സെക്രട്ടറി എൻ. ജയപ്രകാശ് അധ്യക്ഷത വഹിച്ചു. കുറ്റകൃത്യങ്ങൾ തടയുന്നതിൽ സമൂഹത്തിന്റെ പങ്ക് എന്ന വിഷയത്തിൽ കസബ പോലീസ് സ്റ്റേഷനിലെ ജനമൈത്രി പോലീസ് സബ് ഇൻസ്പെക്ടർ രംഗനാഥൻ സംസാരിച്ചു. എലപ്പുള്ളി ഗ്രാമപ്പഞ്ചായത്ത് മെമ്പർ പി. കെ. ഗീത, ഹരിതകേരളം മിഷൻ ജില്ലാ കോർഡിനേറ്റർ വൈ. കല്യാണകൃഷണൻ, പാഡികോ പ്രസിഡന്റ് കെ. ആർ. സുരേഷ്കുമാർ, മൃഗ സംരക്ഷണ വകുപ്പ് റിട്ടയേർഡ് ഡെപ്യൂട്ടി ഡയറക്ടർ ഡോക്ടർ എൻ. ശുദ്ധോദനൻ, എലപ്പുള്ളി ഗ്രാമപ്പഞ്ചായത്ത് ലൈബ്രറേറിയൻ പി. കുഞ്ഞികൃഷ്ണൻ എന്നിവർ സംസാരിച്ചു. എയിം ജോയിന്റ് സെക്രട്ടറി സി. സുരേഷ് സ്വാഗതവും എയിം വൈസ് പ്രസിഡന്റ് എസ്. മഹേഷ് നന്ദിയും പറഞ്ഞു.
ഭാരവാഹികൾ കെ.ആർ. സുരേഷ്കുമാർ പ്രസിഡന്റ്, എൻ. ജയപ്രകാശ് സെക്രട്ടറി, എസ്. രമേഷ് ട്രഷറർ