റോഡിൽ വൻ കുഴികൾ വാഹനങ്ങൾക്ക് ഇറങ്ങിക്കയറാൻ കഴിയാത്ത വിധം ആഴത്തിൽ രൂപപ്പെട്ടതിനെത്തുടർന്ന് കുതിരാനിൽ മണിക്കൂറുകൾ കുരുക്ക്. ഇരുമ്പുപാലത്തിനു സമീപമുള്ള വില്ലൻ വളവിലെ കുഴിയാണ് കുരുക്കിനിടയാക്കിയത്. ബുധനാഴ്ച രാത്രി ഒമ്പതുമണിയോടെ തുടങ്ങിയ കുരുക്ക് വ്യാഴാഴ്ച ഉച്ചയ്ക്ക് കഴിഞ്ഞത്.
കഴിഞ്ഞ ദിവസം ക്വാറിവേസ്റ്റ് ഉപയോഗിച്ച് കുഴികൾ അടച്ചിരുന്നെങ്കിലും മഴയിൽ ഇവ തകർന്ന് വീണ്ടും കുഴിയാവുകയായിരുന്നു. കുഴിയിൽ ഇറങ്ങിക്കയറാൻ സാധിക്കാതെ വന്നതോടെ റോഡിന്റെ ഒരു ഭാഗത്തുകൂടി മാത്രമായി ഗതാഗതം. ഇതോടെ ഇരുദിശകളിലേക്കും വാഹനങ്ങളുടെ വരി നീണ്ടു.
