ആഡംബര വാഹനത്തിൽ ചന്ദനക്കടത്ത്: രണ്ട് പേർ പിടിയിൽ
മണ്ണാർക്കാട്: ആഡംബര വാഹനത്തിൽ ചന്ദനം കടത്തിയ രണ്ട് പേരെ മണ്ണാർക്കാട് പോലീസ് പിടികൂടി. കെ.പി. മൊയ്തുവിന്റെ മകൻ കാഞ്ഞിരപ്പുഴ കിഴക്കേ പള്ളത്ത് വീട്ടിൽ ഷേയ്ഖ് മുഹമ്മദ് അൽ ഫാറൂഖ് (37), പൂവത്തും പറമ്പിൽ മുഹമ്മദിന്റെ മകൻ അൻവർ (33) എന്നിവരെയാണ് 55 കിലോ ചന്ദനവുമായി പിടികൂടിയത്. ഇന്ന് ഉച്ചക്ക് ശേഷം വാഹന പരിശോധനക്കിടെയാണ് KL 50 D6494 നമ്പർ എക്സ് യു വി വാഹനത്തിൽ കടത്തുകയായിരുന്ന ചന്ദനം പിടികൂടിയത്. സി.ഐ.പി.എം. ലിബി, എസ്.ഐ.മാരായ ആർ.രാജേഷ്, രാമചന്ദ്രൻ, ASI മധു , സി പി ഒ മാരായ ഷഫീഖ്, ഷൗക്കത്ത് , ശങ്കർ ,കമറുദ്ദീൻ എന്നിവരുടെ നേതൃത്വത്തിലാണ് പ്രതികളെ പിടികൂടിയത്.
