ആരോഗ്യപ്രവർത്തകർക്ക് ആദരമായികുട്ടികൾ അയച്ചആശംസാ കാർഡുകൾ
കരിമ്പ ബഥനി സ്‌കൂളിലെകോവിഡ് പ്രാഥമിക പരിചരണകേന്ദ്രത്തിൽ സേവന സന്നദ്ധരായ അധ്യാപകർക്കും ആരോഗ്യ പ്രവർത്തകർക്കും വിദ്യാർത്ഥികളുടെ ആശംസദൂത്. ആശംസാ വാചകങ്ങളും വർണ്ണക്കൂട്ടുകളും ചേർത്ത് കുട്ടികൾ നൽകിയ അനുമോദനകാർഡുകൾ ഹൃദയത്തിൽ ഏറ്റുവാങ്ങി രോഗം മാറി മടങ്ങി പോകുന്നവർക്ക് നൽകാൻ കാത്തുവച്ചിരിക്കുകയാണ് ആരോഗ്യ പ്രവർത്തകർ. പത്ത് അധ്യാപകർ വീതം നാല്പത് അധ്യാപകരാണ് കോവിഡ് ഡ്യൂട്ടിക്കായി എത്തുന്നത്.കരിമ്പ സ്നേഹാലയത്തിലെ ജീവനക്കാരാണ് ഭക്ഷണം ഒരുക്കുന്നത്.രണ്ടു ഡോക്ടർമാർ ഉൾപ്പെടുന്ന മെഡിക്കൽ സംഘത്തിന്റെ നിരീക്ഷണവുമുണ്ട്.കോങ്ങാട് ബ്ലോക്കിലെ പ്രഥമ സെന്ററാണിത്.മെഡിക്കൽ ഓഫീസർ ബോബി മാണി, നോഡൽ ഓഫീസർ പ്രദീപ്‌ വർഗീസ് എന്നിവരുടെ നേതൃത്വത്തിൽ പരിചരണ കേന്ദ്രത്തിലെ പ്രവർത്തനങ്ങൾ നടന്നു വരുന്നു
