കുട്ടികളുടെ കൊലപാതകം; അമ്മയുടെ ആണ്‍സുഹൃത്ത് പോലിസ് കസ്റ്റഡിയില്‍
കൊഴിഞ്ഞാമ്പാറ മേനോന്‍പാറ കൂരാങ്കാട്ടിലെ സഹോദരങ്ങളായ കുട്ടികളെ അമ്മ കുളിമുറിയിലെ വെള്ളത്തൊട്ടിയില്‍ മുക്കിക്കൊലപ്പെടുത്തിയ കേസില്‍ അമ്മയുടെ ആണ്‍സുഹൃത്ത് കസ്റ്റഡിയില്‍.
അന്വേഷണത്തില്‍ ലഭിച്ച സൂചനകളുടെ ഭാഗമായാണ് കൊഴിഞ്ഞാമ്പാറ പോലിസ് ഇയാളെ കസ്റ്റഡിയിലെടുത്തിരിക്കുന്നത്. വൈകാതെ ഇയാളുടെ അറസ്റ്റ് രേഖപ്പെടുത്തുമെന്നാണ് വിവരം.
വടകരപ്പതി പഴണിയാര്‍പാളയം മണല്‍ക്കാട് ജോണ്‍കുമാറിന്റെയും നിവേദ്യയുടെയും മക്കളായ ജെനിഫര്‍ ജൂലിയറ്റ് (അഞ്ച്), റോബിന്‍ ക്രിസ്റ്റഫര്‍ (മൂന്ന്) എന്നിവരെയാണ് സെപ്റ്റംബര്‍ 29-ന് രാവിലെ പത്തരയോടെ മേനോന്‍പാറ കൂരാങ്കാട്ടെ വാടകവീട്ടിലെ കുളിമുറിയിലെ വെള്ളത്തൊട്ടിയില്‍ മരിച്ചനിലയില്‍ കണ്ടെത്തിയത്.
