തിരുവോണം ബംബര് ടിക്കറ്റ് കൂടുതല് വിറ്റത് പാലക്കാട്
തിരുവോണം ബംബർ വില്പനയില് ഇത്തവണയും പാലക്കാട് ജില്ല തന്നെയാണ് ഒന്നാംസ്ഥാനത്ത്. 20 ലക്ഷം ടിക്കറ്റുകളാണ് പാലക്കാട് ജില്ലയില് മാത്രം വിറ്റഴിച്ചത്.
സംസ്ഥാനത്തെ ഭാഗ്യക്കുറി ഓഫിസുകളില് നിന്നു വിറ്റ ലോട്ടറി ടിക്കറ്റുകളുടെ കണക്ക് അടിസ്ഥാനമാക്കിയാണ് ഇത്. നറുക്കെടുപ്പിനു മണിക്കൂറുകള് മാത്രം ബാക്കിയുള്ളപ്പോള് കടകളില് നിന്നുള്ള വില്പനയ്ക്ക് ഇനി വേഗം കൂടും.
