സുഹൃത്തുക്കൾക്കൊപ്പം കുളിക്കാൻ പോയ വിദ്യാർത്ഥി കുളത്തിൽ മുങ്ങി മരിച്ചു.

മണ്ണാർക്കാട്: സുഹൃത്തുക്കൾക്കൊപ്പം കുളിക്കാൻ പോയ വിദ്യാർത്ഥി കുളത്തിൽ മുങ്ങി മരിച്ചു. മണ്ണാർക്കാട് തെങ്കര വാളക്കര കുളത്തിലുണ്ടായ അപകടത്തിൽ വാളക്കര കൊളവള്ളി സതീശന്റെയും റിതയുടെയും മകൻ അക്ഷയ് (18) ആണ് മരിച്ചത്.
ശനിയാഴ്ച രാത്രി എട്ട് മണിയോടെ വീടിന് സമീപത്തെ കുളത്തിൽ സുഹൃത്തുക്കൾക്കൊപ്പം കുളിക്കുന്നതിനിടെയാണ് അപകടമുണ്ടായത്. കുളത്തിൽ അപ്രതീക്ഷിതമായി വെള്ളത്തിൽ താഴ്ന്നുപോയ അക്ഷയിയെ സുഹൃത്തുക്കളും നാട്ടുകാരും ചേർന്ന് പുറത്തെടുത്ത് വട്ടമ്പലത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
സഹോദരൻ: അജയ്.