റോഡിൽ പശു കടന്നുവന്നതോടെ കാർ നിയന്ത്രണം വിട്ടു; കോൺട്രാക്ടർ അബ്ദുറഹിമാൻ മരിച്ചു
ചെർപ്പുളശ്ശേരി: നിരപ്പറമ്പിൽ കോൺട്രാക്ടറായ കോന്തത്തൊടി അബ്ദുറഹിമാൻ (56) റോഡപകടത്തിൽ മരിച്ചു. മൂഹമ്മദിന്റെ മകനാണ്.
ഇന്നലെ വൈകുന്നേരം 5.40ഓടെ ഇലക്ട്രിക് കാറിൽ യാത്ര ചെയ്യുന്നതിനിടെ റോഡിലേക്ക് പെട്ടെന്ന് പശു വരികയും, വാഹനം വെട്ടിക്കാൻ ശ്രമിക്കുന്നതിനിടെ നിയന്ത്രണം വിട്ട് സമീപത്തെ മൺതിട്ടയിൽ ഇടിക്കുകയുമായിരുന്നു. ഗുരുതരമായി പരിക്കേറ്റ അബ്ദുറഹിമാനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
മൃതദേഹം ചെർപ്പുളശ്ശേരി ആശുപത്രി മോർച്ചറിയിൽ സൂക്ഷിച്ചിരിക്കുന്നു.
