കാനത്തിൽ ജമീലയുടെ ഖബറടക്കം ഇന്ന് വൈകിട്ട്: ഓർമ്മകളിൽ നിറയുന്ന സൗമ്യമുഖം .
അസീസ് മാസ്റ്റർ
പാലക്കാട്: കൊയിലാണ്ടി എം.എൽ.എ കാനത്തിൽ ജമീലയുടെ വിയോഗത്തിൽ സായാഹ്നം ദിനപത്രം ചീഫ് എഡിറ്റർ അസീസ് മാസ്റ്റർ ദുഃഖം രേഖപ്പെടുത്തി.
കേരള രാഷ്ട്രീയ രംഗത്ത് സൗമ്യതയുടെയും ലാളിത്യത്തിൻ്റെയും പര്യായമായി തിളങ്ങിയ വനിതാ മുഖമാണ് കാനത്തിൽ ജമീലയുടെ വേർപാടിലൂടെ നഷ്ടമായതെന്ന് അസീസ് മാസ്റ്റർ അനുസ്മരിച്ചു. അവരുടെ വിയോഗം രാഷ്ട്രീയ മേഖലയ്ക്ക് തീരാനഷ്ടമാണ്. അർപ്പണബോധമുള്ള ഒരു പൊതുപ്രവർത്തക എന്ന നിലയിൽ, കൊയിലാണ്ടിയിലെ ജനങ്ങൾക്കിടയിൽ നിരവധി ശ്രദ്ധേയമായ ജനകീയ പ്രവർത്തനങ്ങൾ കാഴ്ചവെക്കാൻ അവർക്ക് സാധിച്ചു.
പൊതുസമൂഹത്തിലും ഭരണരംഗത്തും തൻ്റേതായ വ്യക്തിമുദ്ര പതിപ്പിച്ച കാനത്തിൽ ജമീല, സ്ത്രീകൾക്ക് രാഷ്ട്രീയത്തിൽ ഒരു മാതൃക കൂടിയായിരുന്നു. സാമൂഹികം, രാഷ്ട്രീയം, ഭരണപരം തുടങ്ങി വിവിധ മേഖലകളിൽ തൻ്റെ കഴിവും സേവനവും സമർപ്പിച്ച അവരുടെ വിടവാങ്ങൽ ഏറെ ദുഃഖകരമാണ്. അവരുടെ ജീവിതം പൊതുസമൂഹത്തിന് നൽകിയ സംഭാവനകൾ വിലമതിക്കാനാവാത്തതാണെന്നും കൂട്ടിച്ചേർത്തു.
അവരുടെ വേർപാടിൽ ദുഃഖിക്കുന്ന കുടുംബാംഗങ്ങൾ, സഹപ്രവർത്തകർ എന്നിവരുടെയെല്ലാം ദുഃഖത്തിൽ ആത്മാർത്ഥമായി പങ്കുചേരുന്നതായും അസീസ് മാസ്റ്റർ തൻ്റെ അനുശോചന സന്ദേശത്തിൽ അറിയിച്ചു.
