ഇടത് മുന്നണിക്കൊപ്പം മത്സരിക്കും
തദ്ദേശ സ്വയംഭരണ തിരഞ്ഞെടുപ്പ് അടുത്തിരിക്കെ കോണ്ഗ്രസിന് വലിയ തിരിച്ചടിയായി, വിമത നേതാവ് എ.വി. ഗോപിനാഥ് പെരിങ്ങോട്ടുകുറിശ്ശിയില് സിപിഎമ്മുമായി സഹകരിച്ച് പ്രവർത്തിക്കാൻ തീരുമാനിച്ചു.
കഴിഞ്ഞ ആറ് പതിറ്റാണ്ടായി തുടരുന്ന കോണ്ഗ്രസ് ഭരണം അവസാനിപ്പിക്കുകയാണ് ഈ നീക്കത്തിലൂടെ ഗോപിനാഥ് ലക്ഷ്യമിടുന്നത്. കോണ്ഗ്രസ് അനുഭാവികളുടെ വോട്ടുകള് ഇടതുപക്ഷത്തിന് ലഭിക്കുമെന്നാണ് ഗോപിനാഥിന്റെ കണക്കുകൂട്ടല്. സിപിഎമ്മിനെ “ആത്മമിത്രം” എന്ന് വിശേഷിപ്പിച്ച ഗോപിനാഥ്, സിപിഎമ്മിലേക്കുള്ള ക്ഷണം ഇപ്പോഴുമുണ്ടെന്നും താൻ ഇതുവരെ അത് തള്ളിക്കളഞ്ഞിട്ടില്ലെന്നും വ്യക്തമാക്കി.
