കട കത്തിനശിച്ചു; മുകള് നിലയില് കുടുങ്ങിയ സ്ത്രീയെ രക്ഷപ്പെടുത്തി
പട്ടഞ്ചേരിയില് പൂട്ടിയിട്ട വ്യാപാരത്തിലുണ്ടായ അഗ്നിബാധയില് ലക്ഷങ്ങളുടെ നഷ്ടം. കരിപ്പാലി മോഹനന്റെ മകന് കിഷോറിന്റെ പലചരക്ക് കടയിലാണ് തീപ്പിടുത്തമുണ്ടായത്.
പുലര്ച്ചെ 5.15 നാണ് സംഭവം.മോഹനനും ഭാര്യ രാജലക്ഷ്മിയും മാത്രമാണ് മുകളിലത്തെ നിലയില് താമസിക്കുന്നത്.
പുലർച്ചെയാണ് തീപടര്ന്നത്. നിമിഷനേരം കൊണ്ട് മുകള് നിലയിലേക്ക് ആളിപടര്ന്നു. മുകളിലത്തെ മുറിയില് അകപ്പെട്ട രാജലക്ഷ്മി താഴെയിറങ്ങാനാവാതെ കുടുങ്ങി. പലചരക്ക് സ്ഥാപനത്തിന് എതിര്വശത്ത് ചായക്കടയിലുണ്ടായിരുന്നവര് കത്തിക്കൊണ്ടിരിക്കുന്ന സ്ഥാപനത്തിന്റെ തെക്കു ഭാഗം വീടിന്റെ സണ്ഷെയ്ഡില് കയറി രാജലക്ഷ്മി കയറുമായി ബന്ധിപ്പിച്ച് താഴെ ഇറക്കി രക്ഷപ്പെടുത്തുകയായിരുന്നു.
