മലമ്ബുഴയില് ഭാര്യയെ കൊടുവാള് കൊണ്ട് വെട്ടിപ്പരിക്കേല്പ്പിച്ച് ഭർത്താവ്. മലമ്ബുഴ ചേമ്ബന ഉന്നതിയിലെ ഉണ്ണികൃഷ്ണനാണ് ഭാര്യ ബിന്ദുവിനെ കൊടുവാള് കൊണ്ട് വെട്ടിപ്പരിക്കേല്പ്പിച്ചത്.
സംഭവത്തില് ഉണ്ണിക്കൃഷ്ണനെ പൊലീസ് കസ്റ്റഡിയിലെടുത്തിട്ടുണ്ട്. മദ്യലഹരിയിലായിരുന്നു ഉണ്ണികൃഷ്ണനെന്ന് പൊലീസ് വ്യക്തമാക്കി. ആക്രമണത്തില് നിസാര പരിക്കേറ്റ ബിന്ദുവിനെ ആശുപത്രിയില് പ്രവേശിപ്പിച്ചു. പരിക്ക് ഗുരുതരമല്ലാത്തതിനാല് പ്രാഥമിക ചികിത്സ തേടി ബിന്ദു വീട്ടിലേക്ക് മടങ്ങി. ഉണ്ണിക്കൃഷ്ണൻ സ്ഥിരം മദ്യപിച്ച് ബഹളം വെക്കാറുണ്ടെന്നും പൊലീസ് വ്യക്തമാക്കിയിട്ടുണ്ട്.
