ബില്ല് അടച്ചില്ല;പാലക്കാട് റെയില്‍വേ ഡിവിഷൻ ഓഫീസിലെ കസേരയും, മേശയും ജപ്തി ചെയ്യാൻ ഉത്തരവ്
റെയില്‍വേ ഡിവിഷൻ ഓഫീസിലെ കസേര, മേശ, എസി, കമ്ബ്യൂട്ടർ തുടങ്ങിയവ ജപ്തി ചെയ്യാൻ കോടതി ഉത്തരവ്.പാലക്കാട് റെയില്‍വേ ഡിവിഷന് കീഴിലെ റെയില്‍വേ സ്റ്റേഷനുകളില്‍ വാട്ടർ പ്യൂരിഫയർ സ്ഥാപിച്ച കമ്ബനി ബില്‍ തുക കിട്ടാത്തതിനെ തുടർന്ന് കോടതിയെ സമീപിക്കുകയായിരുന്നു.
എംഎസ്‌എംഇ ഫെസിലിറ്റേഷൻ കൗണ്‍സില്‍ റെയില്‍വേ സ്വകാര്യ കമ്ബനിക്ക് തുക നല്‍കണമെന്ന് ഉത്തരവിട്ടിരുന്നു.
ഇതിനെതിരെ റെയില്‍വേ, ചെന്നൈ ഹൈക്കോടതിയില്‍ അപ്പീല്‍ നല്‍കിയെങ്കിലും തള്ളി. തുടർന്ന് ചെറിയ തുക മാത്രമാണ് കമ്ബനിക്ക് റെയില്‍വേ നല്‍കിയത്. മുഴുവൻ തുകയും കണ്ടെത്താൻ വേണ്ടി കമ്ബനി പാലക്കാട് അഡീ. ജില്ലാ സെഷൻസ് കോടതിയെ സമീപിക്കുകയായിരുന്നു.
