നെന്മാറ ഇരട്ടക്കൊലപാതകക്കേസിലെ പ്രതി ചെന്താമരയെ ഇന്ന് കോടതിയില് ഹാജരാക്കും. ഡിവൈഎസ്പി ഓഫീസില് ചോദ്യം ചെയ്യും.
രണ്ടു പകലും രണ്ടു രാത്രിയും നീണ്ട തെരച്ചിലിനൊടുവില് ഇന്നലെ രാത്രിയാണ് ചെന്താമരയെ പിടികൂടിയത്. ഇയാള് മറ്റ് മൂന്ന് പേരെ കൂടി കൊല്ലാന് പദ്ധതിയിട്ടിരുന്നതായും ഭാര്യയെയും മകളെയും മരുമകനെയും ഭാര്യാസഹോദരനെയും കൊല്ലാന് പദ്ധതിയിട്ടിരുന്നതായി പോലീസ് പറഞ്ഞു. ഭാര്യയെ കൊല്ലുമെന്ന് പല തവണ ഭീഷണി മുഴക്കി. ഭാര്യാസഹോദരനെയും കൊല്ലുമെന്ന് പറഞ്ഞു.
കൊടുവാള് കൊല്ലാനായി തന്നെ വാങ്ങിയതാണെന്നാണ് പോലീസിന് നല്കിയിരിക്കുന്ന മൊഴി. എലവഞ്ചേരിയില് നിന്നുമാണ് കൊടുവാള് വാങ്ങിയതെന്നും ചെന്താമര പോലീസിനോട് പറഞ്ഞു. ഭാര്യയെ കൊന്നതിന് കാണിച്ചുതരാമെന്ന സുധാകരന്റെ ഭീഷണി പെട്ടെന്നുള്ള പ്രകോപനത്തിന് കാരണമായി. ഇന്ന് ചെന്താമരയെ ആലത്തൂര് കോടതിയില് ഹാജരാക്കും
