എരുത്തേമ്ബതി കോവിലിന് സമീപം തെങ്ങിൻ തോപ്പില്‍ നിന്ന് വൻ സ്പിരിറ്റ് ശേഖരം പിടികൂടിയ സംഭവത്തില്‍ മുഖ്യപ്രതി തൃശൂർ ചെമ്ബ്ചിറ അണലിപറമ്ബില്‍ ശ്രീധരൻ മകൻ ശ്രീകാന്ത്(35) പൊലീസില്‍ കീഴടങ്ങി.
ഇന്നലെ രാവിലെ എട്ടുമണിയോടെയാണ് പ്രത്യേക അന്വേഷണ സംഘത്തിന്റെ തലവൻ ചിറ്റൂർ ഡിവൈ.എസ്.പിക്ക് മുൻപാകെ കീഴടങ്ങിയത്. അറസ്റ്റ് രേഖപ്പെടുത്തിയ ഇയാളുമായി സ്പിരിറ്റ് പിടികൂടിയ തെങ്ങിൻ തോപ്പിലും നടുപ്പുണിയിലെ മറ്റൊരു തോപ്പിലും പൊലീസ് തെളിവെടുപ്പ് നടത്തി. തൃശൂരിലെ അബ്കാരിയാണ് സ്പിരിറ്റ് സൂക്ഷിക്കുകയും മായം കലർന്ന കള്ള് കടത്തുകയും ചെയ്തതെന്ന് പൊലീസിന് വ്യക്തമായ വിവരം ലഭിച്ചിരുന്നു. ആഗസ്റ്റ് 30നാണ് തമിഴ്നാട് അതിർത്തിയോട് ചേർന്ന തെങ്ങിൻ തോപ്പില്‍ നിന്ന് 2800 ലിറ്റർ സ്പിരിറ്റ് പൊലീസ് പിടികൂടിയത്.
