ആശുപത്രിയുടെ ചികിത്സപിഴവെന്ന് ആരോപിച്ച്‌ ആരോഗ്യമന്ത്രിക്കും പാലക്കാട് ഡിഎംഒയ്ക്കും പരാതി നല്‍കി
ഒറ്റപ്പാലം താലൂക്ക് ആശുപത്രിക്കെതിരേ പാലപ്പുറം കോട്ടത്ര വലിയപറന്പില്‍ നൗഷാദിന്‍റെ മകള്‍ ഫാത്തിമ റിതം (24) ആണ് പരാതി നല്‍കിയിരിക്കുന്നത്. കഴിഞ്ഞ 16 നാണ് കൈയില്‍ പൂച്ചമാന്തിയതിനെ തുടർന്ന് ഫാത്തിമ റിതത്തെ ഒറ്റപ്പാലം താലൂക്ക് ആശുപത്രിയില്‍ കൊണ്ടുവന്നത്.
വാക്സിനും ടിടിയും ആശുപത്രിയില്‍ നിന്നെടുത്തു. തിരികെ വീട്ടിലെത്തിയപ്പോള്‍ ക്ഷീണവും ഇൻജക്ഷനെടുത്ത സ്ഥലത്ത് ചൊറിച്ചിലും അനുഭവപ്പെട്ടെന്നും തുടർന്ന് വീണ്ടും താലൂക്ക് ആശുപത്രിയിലെത്തിയപ്പോള്‍ വീണ്ടും ഒരു ഇൻജക്ഷൻ കൂടിയെടുത്തെന്നും എന്നാല്‍ തിരികെ വീട്ടിലെത്തിയിട്ടും അസ്വസ്ഥകള്‍ മാറിയില്ലെന്നും ഫാത്തിമ പറയുന്നു.
