ബസ് ദേഹത്ത് കയറിയിറങ്ങി സ്‌കൂട്ടര്‍ യാത്രക്കാരി മരിച്ചു. കടുന്തുരുത്തി സ്വദേശി തോട്ടത്തില്‍ വീട്ടില്‍ സംഗീത(35)യാണ് മരിച്ചത്.
ഇന്നുരാവിലെ എട്ടരയ്ക്ക് യാക്കര ജങ്ഷനിലായിരുന്നു അപകടം. സ്‌റ്റോപ്പില്‍ നിര്‍ത്തിയിരുന്ന സ്വകാര്യബസിനെ സ്‌കൂട്ടര്‍ മറികടക്കവെ പെട്ടെന്ന് ബസ് മുന്നോട്ടെടുക്കുകയും സ്‌കൂട്ടറില്‍ തട്ടുകയുമായിരുന്നു. ഇതിന്റെ ആഘാതത്തില്‍ സ്‌കൂട്ടര്‍ മറിയുകയും സംഗീത ബസിനടിയിലേക്ക് വീഴുകയും ബസിന്റെ പിന്‍ചക്രം സംഗീതയുടെ ശരീരത്തിലൂടെ കയറിയിറങ്ങുകയായിരുന്നു.
കോട്ടമൈതാനിക്കടുത്തുള്ള ബേക്കറിയിലെ ജീവനക്കാരിയായ സംഗീത രാവിലെ ജോലിക്കായി വീട്ടില്‍ നിന്ന് പോകുമ്ബോഴായിരുന്നു അപകടം.
